Усвоена Стратегијата и Оперативниот План за Преземање на Законодавната и Извршната Власт од Нелегитимната Хунта и Програмата на Техничката Преодна Влада на Народното Собрание на Република Македонија

Народното Собрание на Република Македонија усвои Стратегија и Оперативен План за преземање на одговорноста за Република Македонија и обезбедување нејзин континуитет по падот на нелегитимната окупаторска Хунта и во услови на сите можни сценарија, од мек пад  на нелегитимната Хунта која нема подршка на сопствениот народ преку протести па се до ситуација на нејзино тврдо и хаотично паѓање. Стратегијата и оперативниот план се поделени и усвоени од делегатите и започната е работата на нивното извршување. Народното Собрание го уверува Македонскиот Народ во успешноста на одбраната на Македонија и низ ова однадвор наметнато премреже и ги повикува преостанатите институции кои не застанале на страна на народот да го сторат тоа веднаш!

Во исто време Народното Собрание ја усвои и програмата на преодната техничка влада која ќе ја преземе извршната власт од набрканата Хунта и која ќе ги спроведе следните радикални реформи до новите фер и демократски избори во Република Македонија.

Oснови на Програмата Која ќе ја Спроведе Преодната Техничка Влада на Народното Собрание

1. Поднесување барање за прием под уставно име Република Македонија во ООН.
2. Спроведување на АСНОМ-скиот и духот на Уставот од 1991ва во сите законско-регулативни акти и во сите национални и општински институции.
3. Поништување на сите закони и меѓународни договори донесени од нелегитимните анти-уставни, пучистички и самонаречени собрание и влада од 27ми Април 2017 наваму.
4. Поништување на Пржинските и Охридскиот договор и сите последици произлезени од нив.
5. Враќање на законот за локална самоуправа од пред 2004та година.
6. Поништување на регистрацијата на сите политички партии и ре-регистрација само на оние чии програми не се косат со Уставот на Република Македонија.
7. Одземање и повторно објавување конкурс за лиценци на сите медиуми.
8. Поништување на регистрацијата и дозволата за работа на сите НВО финансирани со странски средства
9. Градење на силни Армиски, Резервни, Доброволни и Полициски сили за обезбедување на границите и внатрешната безбедност и воведување на задолжителна воена обврска.
10. Протерување на сите странски формални и неформални воени формации од територијата на Република Македонија.
11. Ревизија на сите приватизации и враќање во државна сопственост и/или продажба со обесштетување на бившите вработени и нивните семејства.
12. Обезбедување и привлекување јавни и приватни инвестиции, ниски даноци и финансиска подршка за сите претприемачи/мали/средни претпријатија за силен економски раст и процут.
13. Еколошки чисто земјоделство и туризам и ГМО-слободна Македонија.
14. Укинување на извршителите, на несразмерно високите казни и блокирањето на сметки.
15. Национализација на сите стратешко важни субјекти и фирми.
16. Отпишување на меѓународниот државен долг направен од досегашните корумпирани клики кон глобалистичките финансиски поробувачи и ослободување на Македонецот од подготвеното му вечно финансиско ропство.
17. Поднесување барање за учество во во сите глобални и регионални ЕвроАзиски интеграции, ЕАЕС, ШОС, Пат на Свилата итн.
18. Укинување на сите нелегално издадени Македонски државјанства доделени од политички причини.
19. Спречување доселување и легализирање на мигранти во Република Македонија, издавање пасоши на сите Македонци од светот и доделување земја за нивно враќање во татковината.
20. Прочистување на сите Македонски Институции од кадар лојален на туѓи интереси.
21. Забрана за учество во политика со повеќе од два мандати, со странски државјанства и отварање на процес со судско -правна разврска и конфискација на незаконски стекнатиот имот на корумпираните нелегитимни елити.
22. Социјална, пензиска и здравствена заштита за секого, ниеден Македонец и семејство нема да бидат оставени сами на себе.
23. Ревизија на образовните наставни програми во Македонски Дух од прво оделение до универзитетско ниво.
24. Промоција на Македонскиот академски, културен, спортски и уметнички раст до светско ниво.

Народно Собрание, Македонија, Ноември 2018